Muhimmiyar Sanarwa Ga Wadanda Suka Nemi Tallafin Kudi Na Nirsal
Majalisar Dattawa ta ce ya kamata Babban Bankin Najeriya (CBN) ya yi watsi da rancen COVID-19 da aka bai wa yan najeriya ga wadanda suka ci gajiyar shirin a karkashin daya daga cikin tsare-tsaren rancen na CBN da aka fi sani da COVID-19 Targeted Credited Facility.
Shugaban kwamitin majalisar dattawa mai kula da da’a, gata da kararrakin jama’a, Sanata Ayo Akinyelure, ya ce ka’idojin da aka baiwa ‘yan Najeriya rancen zai sa bankin Nirsal Microfinance Bank zai yi wahala ya dawo da kudaden.
Ku tuna cewa bankin NIRSAL Microfinance Bank a shekarar 2020, a daidai lokacin da annobar COVID-19 ta yi kamari, ya bai wa gidaje da kananan ‘yan kasuwa rancen kudi har Naira biliyan 500 a matsayin tallafi don samun damar shawo kan lokacin.
Barkewar cutar da ta kashe sama da mutane miliyan biyu a fadin duniya ciki har da Najeriya ta kawo kulle-kullen da ya shafi kasuwanci da gidaje, lamarin da ya yi sanadiyar rufe tattalin arzikin kasar na wata guda.
Akinyelure ya yi kira da a sake yin wani sabon allurar kudade da Babban Bankin Najeriya ya yi don baiwa Bankin damar gudanar da aikin sa yadda ya kamata.
“A gare ni, NISRA ta bayar da wadannan kudade ne a matsayin tallafi ga ‘yan Najeriya saboda ban ga yadda za ku karbi sama da Naira biliyan 500 daga ka’idojin da ake bukata na karbar wadannan rance ba. Da wadannan, idan akwai wata shawara ko wata hanya da mahukunta suke ganin za su iya fadakar da mu a kai, to su fitar da ita, za mu koma Majalisar Dattawa.
“Tunda kwato wadannan kudade zai yi wahala NIRSAL saboda lokacin da aka fitar, sai mu nemi CBN ya ba su sabbin kudade domin su ba wa wadanda za su iya kwato su. Kimanin Naira biliyan 180 a waje ya bace, kuma ba za mu iya jira har sai an kwato su kafin a sake fitar da wani asusu.
“A kasashe kamar Amurka, sun ba wa ‘yan kasarsu kudi kyauta fiye da sau hudu. Domin wannan hukuma ta cika makasudin da aka ɗora mata ya kamata a ba su sabbin kudade,” inji shi.
